Çokollatë e nxehtë!!

Para se të filloj të shkruaj dhe të bashkangjis fotografi, më lejoni të ju kërkoj falje për atë që do të shihni (do ta kuptoni më tutje se pse kërkimfalja ishte e domosdoshme!).

Qëllimi i këtij publikimi nuk është t’ju bëjë që t’u shkoj goja lëng por t’ju prezantoj rekuizitën më të mirë për t’i përballuar dimrit me hijeshi, ajo është pikërisht çokollata e nxehtë.  Nuk e kam fjalën për qumështin me kakao, por për çokollatën e dendur të shkrirë, atë që mund të shëroj dhe t’ju rrotullojë për së mbari ditën.

Nuk po e zgjas më shumë- ja përbërësit për qerasjen më të mirë që mund t’i bëni vetes këto ditë të ftohta:

Këtë radhë, unë kam gatuar 3 filxhana të mëdhenjë(200ml) çokollatë, për të cilët më janë dashur:
2 lugë gjelle kakao pluhur
¾ e lugës së gjellës nisheste (amidon)
1 lugë gjelle sheqer
600 ml qumësht
150 gr çokollatë
½ shkop vanilleje

Një sqarim i vogël: çokollata e nxehtë do t’ju dali aq e mirë sa edhe përbërësit e zgjedhur, kështu që kushtoni kujdes çokollatës dhe kakaos,  më së miri është të jenë me rreth 60% kakao.

Fillimisht, vini 500ml qumësht në zjarrë bashkë me farat e shkopit të vanillës.

-Dy fjalë për këtë të fundit:
detyra vanillës në këtë recetë është ta neutralizoj aromën e qumështit, çka lejon pastaj që çokollata të bëhet protagonisti i vetëm. 
Unë për vete, shumë shpesh vanillën e zëvendësoj me lëvore portokalli, e cila ofron edhe pak ashpërsi dhe karakter në çokollatë, përveç që e neutralizon qumështin. Kështu që mund të
përdorni cilëndo që preferoni.

Në një enë tjetër vendosni 100ml e mbetura të qumështit, bashkë me kakaon, sheqerin dhe nishesten dhe përzieni mirë.

Kur të vlojë qumështi vendoseni në zjarrë më të ngadaltë dhe hidhjani përzierjen e sapoformuar me qumështin dhe kakaon.

Dy janë problemet që mund të ndodhin: mund të leni nishesten dhe kakaon me kokërrza ose mund ta ngjitni qumështin gjatë zierjes. Zgjidhja për të evituar të dy rreziqet, ky teli për përzierje:

Përzieni, përzieni, përzieni!

Vëreni kur të fillojë të dendësohet përzierja, dhe bëni kujdes ta largoni nga zjarri para se të dendësohet tepër.

Derisa është  e nxehtë, shtojani edhe çokollatën e coptuar dhe përzieni vrullshëm.
Kur është e coptuar çokollata shkrihet lehtë, duke shfrytëzuar vetëm temperaturën e arritur gjatë zierjes, pa pasur nevojë të  kthehet ena në zjarrë.

Pasi të përzieni mirë e mirë dhe të siguroheni që nuk ka mbetur copëz çokollate pa u shkrirë mund ta shërbeni nëpër filxhana. Këshilla ime është që kur ti shërbeni, të shtoni edhe biskota si psh amareta.

Vëmendje, fotografitë e mëposhtëme nuk këshillohen për persona me zemër të dobët :)

Mos m’shani shumë nëse vërtet po ju shkon goja lëng, e kuptoj tundimin nga çokollata. Mbani mend, sapo ju kam treguar një sekret të domosdoshëm për ti mbijetuar dimrit.

Çokollatë e nxehtë!!

Burimi : Global Cuisine ( Bardha Ahmeti )